Ой, Калядачкі!
У ДУА “Нёманскі дзіцячы сад Уздзенскага раёна" 13.01.2023 г. адбылося свята “Ой, Калядачкі”, з мэтай пашырыць веды дзяцей аб народных традыцыях. Добры настрой, святочныя эмоцыі падарылі калядоўшчыкі дзецям, якія былі не толькі гледачамі, але і непасрэднымі ўдзельнікамі фальклорнага свята. Усе разам выконвалі калядныя песні: "Калядная", "Каза", прыказкі, заклічкі, вадзілі карагоды, гулялі ў беларускія народныя гульні : “Каза-козачка”, “Каляда”, услаўляючы Каляду.
У прыбраных касцюмах казы, механошы, зорканошы, павадыра, з песнямі і заклічкамі, з пажаданнямі багацця і шчасця калядоўшчыкі ўвайшлі ў залу, дзе за сталом сядзелі гаспадары. Гаспадары былі добрыя, шчодрыя, ветлівыя, частавалі гасцей прысмакамі: блінамі, дранікамі, салам з агуркамі, куццёй, медам, а духмяны чай прыйшоўся па душы кожнаму. За сталом дзеткі дзяліліся ўражаннямі, меркаваннямі, думкамі, а іх тварыкі свяціліся ўсмешкамі і радасцю. Свята атрымалася на славу!
Дзякуючы такім мерапрыемствам, выхаванцы знаёмяцца з культурай і побытам беларускага народа, традыцыямі, узорамі нацыянальнай культуры, славутымі людзьмі Беларусі, што спрыяе далучэнню выхаванцаў да вытокаў і каштоўнасцей нацыянальнай культуры і выхаванню патрыятычных пачуццяў.