Сустрэча з выратавальнікамі
Вялікае ўражанне пакінула сустрэча дзяцей з выратавальнікамі. Многа цікавага расказаў і паказаў па аснашчэнню спецмашыны камандзір аддзялення Махнач Уладзімір Сяргеевіч. Махнач Аляксей Паўлавіч, начальнік змены, пазнаёміў дзяцей з асаблівасцямі працы выратавальнікаў, яе спецыфікай, адказнасцю, якім патрэбна быць і дзе вучыцца, каб атрымаць такую спецыяльнасць. Пашанцавала дзецям пасядзець за рулём пажарнай машыны, разгледзець выратавальнікаў у сваёй рабочай вопратцы. Спецыялісты пажарнай службы правялі з дзецьмі віктарыну. Дзеці паравільна адказвалі на пытанні: “Як выклікаць выратавальнікаў?”,” Ці можна забаўляцца з выклікам службаў бяспекі па тэлефоне?”, “Што можа паслужыць узнікненню пажара ў доме”і іншыя. Сустрэча прайшла з карысцю для выхаванцаў. Шмат цікавага пачулі і ўбачылі дзеці нашага дзіцячага садка. Атрымаўся патрэбны і карысны ўрок. Пасля сустрэчы з выратавальнікамі дзеці абменьваліся думкамі, выражалі свае пачуцці ў рысунках, размове з дзецьмі і дарослымі. І абавязкова адправяць паштоўкі сваім сябрам у другі дзіцячы сад.